एकता ब्युताउन हिडेका प्रचण्डलाई सर्बोच्चको झड्का ।

देश पोष्ट/ काठमाडौं । नेकपा को एकता ब्युतााउन नेकपा (माओवादी केन्द्र) का अध्यक्ष पुष्पकमल दाहाल प्रचण्डले एकता खारेज गर्ने फैसलाविरुद्ध सर्वोच्चमा दिएको निवेदनमा पुनरावलोकन नहुने भएको छ ।

गत मंगलबार दिएको उक्त निवेदनको पेशी आज तोकिएको थियो । प्रधानन्यायाधीश चोलेन्द्र शमशेर राणा नेतृत्वको पूर्ण इजलासले पुनरावलोकन नगर्ने आदेश दिएको जानकारी प्राप्त भएको छ ।

एमाले र माओवादीलाई पुरानै अवस्थामा फर्काउने फैसला फागुन २३ गते सर्वोच्चका न्यायाधीशद्वय बमकुमार श्रेष्ठ र कुमार रेग्मीको संयुक्त इजलासले गरेको थियो ।
उक्त फैसला पछाडी नेकपा पुर्बअबस्थामै फर्किएर नेकपा एमाले र नेकपा (माओवादी केन्द्र) को आ आफ्नै दलगत गतिबिधी गरिरहेको अबस्थामा नेकपा (माओवादी केन्द्र) का अध्यक्ष दाहालको फैसला पुनरावलोकन गर्न मंगलबार प्रचण्डसँगै नेताहरू वर्षमान पुन, हरिबोल गजुरेल, जनार्दन शर्मा, दिनानाथ शर्मा, गिरिराजमणि पोखरेल, अधिवक्ता एवं सांसद् रामनारायण बिडारी पम्फा भुषाल अदालत पुग्नुभएको थियो ।

प्रधानन्यायाधीश चोलेन्द्र शमशेर राणा नेतृत्वको पूर्ण इजलासले पुनरावलोकन नगर्ने आदेश दिएपछी प्रचण्डलाई एकता ब्युताउन नसकिने झड्का लागेको राजनितिक बिश्लेषकहरुको भनाई रहेको छ ।