देशपाेष्ट/काठमाण्डाैं । आन्तरिक कलहमा रुमलिएको सत्तारुढ दल नेकपा(एमाले) विभाजन उन्मुख रहेको छ । पार्टीका दुबै खेमा आफ्ने समुहलाई बलियो बनाउने रणनीतिमा लागेका छन् । असन्तुष्ट नेपाल–खनाल समुहले राष्ट्रिय कार्यकर्ता भेला बोलाएर नै सबै कमिटीहरु समानान्तर बनाउने निर्णय गर्दै महिला र युवा संगठनको समानान्तर कमिटी निर्माण गरिसकेको छ । र संस्थापन पक्षको केन्द्रिय कमिटीले पार्टी अनुशासन विपरित कार्य गरेको भन्दै वरिष्ठ नेता माधव कुमार नेपाल सहित नेपाल समुहमा चार जनालाई स्पष्टिकरण सोध्ने निर्णय गरेको छ । संसथापन पक्षले स्पष्टिकरणको निर्णय गरेपछि नेपाल–खनाल समुह आगामी रणनीति तय गर्न आन्तरिक छलफलमा जुटेको छ ।
असन्तुष्ट नेपाल–खनाल समुहले आगामी रणनीति तय गर्न आफ्नो पक्षको स्थायी कमिटी सदस्यहरुको अनौपचारिक बैठक आज बोलाए छ । संस्थापन पक्षले स्पष्टिकरण सोध्ने निर्णय पछि बाटो के हुने भन्ने विषयमा छलफल गर्न बैठक बस्न लागेको नेपाल समुहका एक स्थायी कमिटी सदस्यले बताए । बानेश्वरको अर्याल होटलमा बैठक बस्ने भनिए पनि कतिबेला बस्ने भन्ने तय भएको छैन ।
एमालेको संस्थापन पक्षको केन्द्रीय कमिटीको शनिबारको बैठकले गुटगत भेला गरेर पार्टी विरोधी गतिबिधि गरेको भन्दै माधव नेपाल, भीम रावल, सुरेन्द्र पाण्डे र घनश्याम भुसाललाई स्पष्टीकरण सोध्ने निर्णय गरेको थियो।
स्पष्टीकरण मागिएको पत्र भने अहिलेसम्म पठाइएको छैन। यसबीचमा नेपाल पक्षले जनवर्गीय संगठनहरुका भेला बेलाई अलग नेतृत्व चयन प्रक्रिया जारी राखेको छ भने अब जिल्ला हुँदै तल्लो तहसम्म समानान्तर कमिटीहरु बनाउने क्रम बढेको छ।
नेपाल पक्षमा एमालेभित्रै बसेर संघर्ष गर्ने कि तल्ला तहसम्म कमिटीहरु पुनर्गठन गरेर माओवादीसँग पुनः एकतामा जाने भन्ने दुवै कोणबाट बहस चलेका छन्। तर नेताहरु केही समय एमालेमै समानान्तर कमिटीहरूको अभ्यास गरेर अन्तर संघर्षलाई उत्कर्षमा पुर्याउने पक्षमा देखिन्छन्।
पार्टीलाई सर्वोच्च अदालतको फैसलाले २०७५ जेठ २ गतेको अवस्थामा फर्काइ दिएकाले सबै संरचनाहरु सोही ठाउँमा पुगेको तर्क नेपाल पक्षको छ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]