सडकपेटीमा सुतिरहेका व्यक्तिलाई ढुंगाले हानेर ज्यान लिने दिनेश पक्राउ

देशपाेष्ट/काठमाण्डाैं । काठमाण्डौंको कलंकी थापागाउँमा ढुंगाले हानेर एक व्यक्तिको हत्या भएको छ ।
आइतबार बिहान सडकमा सुतिरहेका कलंकीको थापा गाउँ सडकपेटीमा बस्ने ५५ वर्षीय चौधरी भन्ने व्यक्तिलाई एक व्यक्तिले ढुङ्गाले हानेर ज्यान लिएका हुन् । ढुङ्गाले हानेर ज्यान लिएका ती व्यक्तिलाई प्रहरीले पक्राउ पनि गरेको छ ।
पक्राउ पर्नेमा सिन्धुली सुनकोशी गाउँपालिकाका २१ वर्षीय दिनेश थापा रहेका छन् । उनीहरुबीच झगडा भएपछि थापाले चौधरीलाई ढुंगाले हिर्काएर ज्यान लिएको प्रहरीले जनाएको छ ।
ढुंगाले लागेर घाइते भएका चौधरीको अस्पतालमा ज्यान गएको हो । पक्राउ परेका थापामाथि अहिले प्रहरीले थप अनुसन्धान गरिरहेको छ ।