नेयमार बारे उनका पुर्व एजेण्टको यस्तो खुलासा

देशपाेष्ट/काठमाण्डाैं । पेरिस सेन्ट जर्मन(पीएसजी)का स्टार खेलाडी नेयमारको विषयमा उनका पुर्व एजेन्ट आन्द्रे क्युरीले नेयमार बार्सिलोनामा फर्कन सम्भव रहेको खुलासा गरेका छन् ।
‘म १० वर्ष बार्सिलोनामा थिए, मलाई बार्सिलोना शहरको कुना कुना थाहा छ,यदि नेयमार बार्सिलोना फर्किन्छन् भने म धेरै खुसी हुनेछु । किनकी उनका सामर्थकहरुलाई थाहा छ उनले बार्सिलोना छाडेर गल्ति गरेका हुन् तर उनका लागि ढोका अझै खुल्ला छ’ नेयमारका पूर्व एजेन्ट आन्द्रेले भने ।
नेयमार बार्सिलोनाबाट सर्वाधिक मुल्यमा पीएसजी गएका थिए तर त्यहाँ इन्ज्युरीका कारण सिजनहरु लगातार असफलतामै बितेपछि नोउ क्याम्प फर्कन चाहेका थिए ।
केही समयअघि बार्सिलोना फर्कने नेयमारको सपना नजिक पुगेर असफल भएको थियो । त्यसो त नेयमारले ‘मेस्सीसँग फेरी एकपटक साथमा खेल्न मन छ’ भन्ने अभिव्यक्तिले मेस्सी नै पीएसजीमा अनुबन्ध हुन सक्ने अनुमानसमेत लगाइएको थियो ।
अहिले बार्सिलोना र मेस्सीबिचको सम्झौता सकिन छोटो समय बाँकि छ र मेस्सीको भविष्यबारे अझै टिप्पणी भइरहेका छन् ।
‘नेयमारले मलाई बार्सिलोना फर्कन चाहेको बताएका थिए,केही समयअघि हामी सफल हुनै लागेका थियौँ तर केही तथ्यांकले गर्दा सफल हुन सकेनौँ’
‘अब लापोर्टा मात्र यस्तो व्यक्ति हुन् जसले नेयमार र मेस्सीलाई एकै टिमबाट खेलाउन सक्छन् । मलाई थाहा छ कि मेस्सीले बार्सिलोना छाड्नेवाला छैनन्’ आन्द्रेले भने ।