विद्यालयमा चरम भ्रष्टाचारः जस्ताको छाप्रोमा पढ्न विद्यार्थी वाध्य

जतना खड्का/दाेलखा ।  दोलखाको विगु गाउँपालिका ३ बुलुङ स्थित सारदा मा.वि. मा चरम भ्रष्टाचार भएको भेटिएको छ । ७२ सालको विनासकारी भुकम्पले विद्यालय भवन भत्काएपछि विद्यालय निर्माणमा विभिन्न दातृ निकायहरुले भवन निर्माणको लागि गरेको सहयोग रकम र विद्यालयका भौतिक सामग्रीहरुमा भ्रष्टाचार भएर नयाँ विद्यालय भवन नबन्दा विद्यार्थीहरु जस्ताको भवनमा काठ्यांग्रिएर अध्ययन गर्न बाध्य बनेका छन् ।

विभिन्न विवादहरु सिर्जना गरि नयाँ विद्यालय व्यवस्थापन समिति निर्माण नगरि म्याद सकिएर विघटन भएको वि.व्य.स. र प्रधानाध्यापकको मिलोमतोमा विद्यालयको भौतिक समाग्री लिलाम विक्री गरेको स्थानियबासीहरुले बताए । विघटित वि.व्य.स.को म्याद २०७६ मंसिर १५ गते सकिए पनि सोहि समितीले अहिले सम्म निर्णयहरु गरिरहेको र विघटित समिति र प्रधानाध्यपक वालकृष्ण ठकुरीले २०७७ कार्तिक २१ गते निर्णय गरि विद्यालयको भौतिक सामाग्री लिलाम विक्री गरेको हो ।
भुकम्पले भत्काएका भवनको काठ, जस्तापााता, विद्यालय परिसरका रुख कटान गरि लिलाम विक्री गरिएको हो । नयाँ विद्यालय भवन निर्माणको लागि लायन्स क्लब अफ काठमाण्डौं, सहयात्री कारितास लगायत विभिन्न संघ संस्थाले जस्तापाता सहयोग गरेकोमा अनुदानमा प्रप्त ति समाग्री पनि लिलाम विक्री गरिएको हो ।

पुरानो वि.व्य.स.को म्याद सकिए पछि नयाँ वि.व्य.स चयन गर्न १५ पटक भन्दा बढी अभिभावक भेला गरिएपनि विविन्न विवाद सिर्जना गरि नयाँ वि.व्य.स. गठनमा अवरोध पैदा गरिने गरिएको नि.व्य.स. का आकांक्षी एक उम्मेदवारले बताए ।
विद्यालयको सम्पत्ती लिलाम विक्रीको विषयमा वडाध्यक्ष लाई प्रश्न गर्दा यस सम्बन्धमा वडालाई कुनै जानकारी नभएको र वडा सँग लिलाम विक्रीको विषयमा विद्यालयले कुनै समन्वय र जानकारी नगरेको वडाध्यक्ष श्रीराम खड्काले बताउनु भयो । विद्यालयले ति सामाग्री कुन निर्णयको आभारमा कसको अनुमतीमा कति रकममा कहिले लिलाम विक्री गरेको हो केही जानकारी नभएको विगु गाउँपालीकाका शिक्षा शाखा प्रमुख पेमा दोर्जे थाेेेकरले बताए ।
https://www.facebook.com/messenger_media?thread_id=100006289746429&attachment_id=453073015690896&message_id=mid.%24cAAAACB48VAF8pv0T_l2dbfIzxJ_q