सांसद विशाल भट्टराईको अगुवाईमा मन्त्री नेम्वाङसमक्ष खोटाङको लागि ५ माग

दिवस रिजाल, फागुन ३० खोटाङ ।
प्रतिनिधि सभाका सदस्य सांसद विशाल भट्टराईको अगुवाईमा भौतिक पूर्वाधार तथा यातायातमन्त्री वसन्तकुमार नेम्वाङसमक्षे पाँच वटा लिखित माग राखेका छन् । खोटाङ्गे नेताको टोलीले सांसद भट्टराईको अगुवाईमा मन्त्री नेम्बाङलाई भेटेर आफ्नो जिल्लाको भौतिक पूर्वाधार विकास सम्बन्धी पाँच वटा लिखित माग राखेका हुन् ।
प्रतिनिधिसभा सदस्य भट्टराईको लेटरप्याडमा लेखेर मन्त्री नेम्बाङलाई बुझाइएको ज्ञापनपत्रमा मध्यपहाडी लोकमार्गको दिक्तेल–चखेवा सडक खण्डमा पर्ने छेपेखोला, भालुखोला र मेवाखोलामा यथासिघ्र मोटरेवल पुल निर्माण गर्न, त्रिधार्मिक स्थल हलेसीको संरक्षण, बिकास र गुरुयोजना कार्यान्वयन गर्न, तत्कालै जयराम–हलेसी खण्डको सडकको स्तरन्नोति गर्न, घुर्मी–चतरा यथासिघ्र निर्माण गर्न, दुधकोशीको कुनै घाट र घोपाटारको पक्कि पुल टेण्डरको कुरा तत्काल प्रक्रिया अगाडि बढाइ दिन अनुरोध गरिएको सदस्य भट्टराईले बताउनुभयो ।
मन्त्री नेम्बाङलाई उहाँको निवासमै भेट्न पुगेका खोटाङ्गे टोलीले मन्त्री नेम्वाङ समक्ष यथाशिघ्र यी पाँच काम गर्नको निम्ति छिटै काम गर्न भनि जोडदार माग गरिएको छ ।
सांसद भट्टराईका अनुसार मन्त्रालयका सचिव र सडक बिभागका महानिर्देशकले कुनैघाट र घोपाटारमा निर्माण गरिने पुलका लागि तत्काल टेण्डर हुने आस्वासन दिनुभएको छ । लामो समयदेखि सरकारी निकाय र निर्माण व्यवसायीहरुको असक्षमताको कारणले वन्न नसकेको उत्त सडक घुर्मी चतरा चाडो निर्माण गर्न आह्रवान गरिएको छ ।
तत्कालै जयराम हलेसी खण्डमा पर्ने सडकलाई डवल लेनको वनाउन चाडैनै काम थाल्नु पर्ने जनाईएको छ । हलेसीमा पर्ने छापडाडा आसपासबाट सडक डाईभर्ट गरि हलेसी क्षेत्रलाई जोगाएर तुवाचुङ डाडामा निकाल्नु पर्ने साथै हलेसी परिसर भित्र विधुतिय साधान मात्र चलाउने प्रवन्ध मिलाउने वताईएको छ ।